Ոսկեգործությունը որպես դիսցիպլինա իրենից ներկայացնում է հավաքական կառույց, որի տեսանելի բաղադրիչները արհեստագործական ոսկերչական մասնագիտություններն են դիսկրետ, իսկ անտեսանելի դաշտում՝ արվեստագիտական մասնագիտությունները: Ոսկեգործությունը մատուցվում է հիմնվելով հետևյալ կետերի վրա.
- Դասավանդման հեղինակային ծրագիր
- ՄՍԿՀ ուսումնական օրացույց
- Սովորողների անհատական պլան
- Կրթահամալիրային ստուգատեսները, ճամբարները, ամենամյա տեխնոլոգիական ստուգատեսը
Ոսկեգործություն դիսցիպլինայի կազմում դասավանդվող և կիրառվող մասնագիտություններն են ՝
- Ոսկեգործական դիզայն՝ կոնստրուկտորություն՝ ձեռագործ և էլեկտրոնային.
- Մոդելավորում՝ մոդելի պատրաստում, մոդելային զանազան մոմերից և մետաղից.
- Մոմագործություն՝ ձուլագործական մոմով և ինժեկտորներով (ներարկիչներով) աշխատանք.
- Կաղապարագործություն՝ ստացված մոդելից տարբեր տիպի ռետիններից ձուլման կաղապարների պատրաստում, կտրում.
- Ձուլագործություն՝ ոսկերչական ոչ թանկարժեք կամ թանկարժեք համաձուլվածքներով ձուլման գործընթաց. հատուկ հաշվարկներ համաձուլվածքների ստացման համար՝ կաղապարային խառնուրդով աշխատանք վակուումային համակարգերի կիրառմամբ:
- Ակնագործությանը և բյուրեղագործությանը։
Ոսկեգործություն առարկան կրթահամալիրի կրտսեր, միջին և ավագ դպրոցների սովորողները կարող են ընտրել սկսած 4-րդ դասարանից: Առարկան դասավանդվում է շաբատական երկու անգամ` երկու դասաժամով:
Աշխատանքային պայմաններ`միջավայր
Ոսկեգործական լաբորատորիայի միջավայրը արհեստագործական, արվեստագիտական իմաստով հագեցած է ոսկեգործական ստեղծագործական աշխատանքներ ստեղծելու բոլոր անհրաժեշտ գործիք-սարքավորումներով: Ըստ ուսումնական իրավիճակի գործունեությունն ուղեկցվում է տարբեր բնույթի դասական երաժշտությամբ:
Լաբորատորիաների ներքին և արտաքին հարդարման ձևաչափը համապատասխանում է ժամանակակից և էսթետիկական նորմերին, պահպանվում են հիգիենայի և անվտանգության բոլոր նորմերին կրթահամալիրի կողմից դրված պահանջներին:
Դասավանդման նպատակը
Այն սովորողները, որոնք առաջին անգամ են հաճախում դասընթացին անցնում են կրտսեր դպրոցի ուսումնական ուղեծրով.
- մանր մոտորիկային զարգացում
- ծավալային ձևերի ճանաչում
- ստեղծագործականության ձևավորում
Իսկ այն սովորողները որոնք կրկնել են իրենց ընտրության առարկան ամրապնդում են գիտելիքները անցնելով առաջ`
- ոլորտային գրականության հետ աշխատանք,
- հետազոտական գործունեության ձևաչափի բացահայտում,
- թիմային գործունեության ձևաչափի բացահայտում,
- ճարտարագիտական, կոնստրուկտորական մտածողության ձևավորում
- միջառարկայական կապերի ցուցադրում-բացահայտում(մաթեմատիկա, երկրաչափություն, քիմիա, ֆիզիկա, գծագրություն… )
- ծանոթացում ոսկեգործական թվային տեխնոլոգիաներին, 3D մոդելավորման ծրագրերի, սարքերի և հաստոցների աշխատանքին,
- ակնագործությանը և բյուրեղագիությանը։
Նախագծեր՝ հետազոտական, ոսկեգործական, շուրջտարյա թիմային նախագծեր
«ՀայԶարդ»
«Անձնական հավաքածու»
«Երվանդ Քոչար 125 «Կիբեռնետիկա»»
Ոսկեգործությունը որպես միջառարկայական դիսցիպլին
«Հայկական լեռնաշխարհի փայլը»
Ճամփորդություններ
Ուսումնական տարվա ընթացքում նախատեսվում են հետևյալ այցելությքւնները
- Հայաստանի պատմության թանգարան
- Շենգավիթ հնավայր
- «Էրեբունի» պատմահանրագիտական արգելոց-թանգարան
Այցելությունները կազմակերպվում են խառը խմբերով, այդ իսկ պատճառով չեն առանձնացվում ըստ դպրոցները:
Գնահատումը
Սահմանված կարգով, գնահատումը կատարվում է ըստ ուսումնական շրջանների՝ սովորողի ուսումնական գործունեության հրապարակված արդյունքներով (ուսումնական բլոգ, ցուցադրություն, ստուգատեսների, ճամբարների, ճամփորդությունների մասնակցություն)։ Մինչև 5-րդ դասարանի 2-րդ ուսումնական շրջանը լրացվում է սովորողի ուսումնական առաջադիմության բնութագիր, իսկ 3-րդ ուսումնական շրջանը գնահատվում է 10 բալանոց համակարգով:
Խնդիրը
Դասավանդման մեթոդի ձևավորում:
Ամփոփիչ արդյունքը
Ուսումնական տարվա ընթացքում ստեղծված զարդերը կցուցադրվեն տարևերջյան հաշվետու ցուցադրության ընթացքում:
ՈՍԿԵԳՈՐԾԱԿԱՆ ԼԱԲՈՐԱՏՈՐԻԱ 