Category: Նախագիծ

Նախագիծ՝ Ոսկե Արտավան

Տևողություն՝ Հոկտեմբերի 24, 26

Վայր՝ Ոսկեգործական լաբորատորիա

Մասնակիցներ՝ Արտավանի դպրոցի աշակերտներ

Նպատակ՝ Սովորողների մոտ ձևավորել նախնական պատկերացում ոսկեգործական իրերի ստացման տեխնոլոգիաների վերաբերյալ

Խնդիրներ՝

• Ճամբարի ընթացքում ստանալ ոսկեգործական իրերի 2D տարբերակները
• Ստացված տարբերակները վերածել ծավալային օբյեկտների ծեփոնով
• Սովորողների հետ իրականացնել ձուլման գործողություններ

Ընթացք՝

Հոկտեմբերի 24

Քանի որ ժամանակը սահմանափակ էր, բայց նյութը ընդարձակ, պայմանավորվեցինք շարունակությունը իրագործել, այնուհետև ավարտի հասցնել հենց Արտավանում: Իրականում միջավայրին անծանոթ մարդուն, սովորողին սկզբում այդքան էլ հեշտ չէ ընդգրկվել գործընթացին: Փոխադարձ մեծ ճիքերի գործադրմամբ առաջին հանդիպումը արդյունավետ էր: Առաջացավ միտք՝ այն ձեռք բերեց բոլորին տեսանելի ձև:

Շարունակել կարդալ “«Ոսկե Արտավան» նախագիծ-ճամբար”

Աշնանային հավաքի և «Արվետի փառատոն»-ի համատեքստում ոսկեգործական լաբորատորիայի սովորողների և մեր հյուր, մետաղագործ, բազմաթիվ միջազգային դարբնային մրցույթների դափնեկիր Արշակ Մանոյանի հետ պատրաստվում ենք իրականացնել ճամփորդություն դեպի արվեստների քաղաք՝ Գյումրի, որտեղ Գյումրիի Գեղարվեստի ակադեմիայի մետաղագործական արվեստանոցում կիրականացնենք վարպետ դաս «Դամասկյան պողպատ»-ի ստացման և մշակման վերբարեյալ: Կիրականացնենք ընդլայնված սեմինար-հարցազրույց ժամանակակից մետաղագործական տենդենցների և նոր համաձուլվածքների կիրառական մշակման, իրերի պատրաստման վերաբերյալ: Վարպետ Արշակ Մադոյանի կողմից պատրաստված, գեղարվեստորեն մշակված, «Դամասկյան պողպատ»-ից սվինները տարբեր տեսակների կցուցադրվեն սեմինարի ընթացքում :

Շարունակել կարդալ “Աշնանային հավաք, ուսումնական նախագիծ՝ Գյումրիի ակադեմիայում վարպետ-դաս մետաղագործ Արշակ Մանոյանի հետ միասին”

Նախագծի անվանում՝ Ռեստավրացիա

Տևողություն՝ Սեպտեմբեր-Հոկտեմբեր

Վայր՝ Ոսկեգործական լաբորատորիա

Մասնակիցներ՝ ՄՍԿՀ-ի «Զարդակիրառական արվեստ»-ի բաժնի ուսանողներ՝ Մինաս Գրիգորյան, Կարեն Մարգարյան, Միջին դպրոց՝ Մարիա Քուրքչյան

Քոլեջի ուսանողներ Մինաս Գրիգորյանի և Կարեն Մարգարյանի կողմից իրագործվեց նախագիծ՝ «Ռեստավրացիա»: Ներկայացված էր խնդիր՝ վերականգնել կոտրված արծաթյա մատանին:

Շարունակել կարդալ “Սեպտեմբեր, Հոկտեմբեր: «Ռեստավրացիա» նախագիծ ՄՍԿՀ-ի «Զարդակիրառական արվեստ»-ի բաժնի ուսանողների հետ”

 

Շարունակել կարդալ “2022-2023 ուսումնական տարվա ծրագիր և ներառնվող նախագծեր”

Բլոգում տեղադրված նախորդ թողարկման մեջ ներկայացրեցինք «Պողպատի վերածնունդ» նախագծի և «Պողպատի ջարդ» ֆլեշմոբի համատեքստում իրականացված աշխատանքը: Այնտեղ նշված էր, որ աշխատանքի ավարտական մասը դեռ պետք է իրականացվի: Խոսքը գնում է մետաղական քանդակի վերջնական տեսքի բերման վերաբերյալ: Այն իրականացվելու է նմանակելով Արա Ալեքյանի մետաղական քանդակների այրման գործողությունը: Հունիսի 28-ին և 29-ին նախագծին մասնակցող բոլոր սովորողների ներկայությամբ և մասնակցությամբ կիրագործվի մետաղական քանդակների թերթային փաթեթավորումը, այնուհետև Գեղարվեստի տարածքի անվտանգ հատվածում, հավանաբար երեկոյան ժամին կկատարվի ծիսական այրում, որի արդյունքում մետաղական քանդակը ձեռք կբերի իր վերջնական տեսքը: Այնուհետև կտեղափոխվի ARTաՍահմանի ցուցահարթակ հունիսի 30-ին փառատոնային ամփոփիչ ցուցադրությանը մասնակցելու նպատակով:

Մասնակիցներ՝

• Քնարիկ Ներսիսյան Հյուսիսային  դպրոց-պարտեզի և Գեղարվեստի դպրոցի   ղեկավար
• Հայկ Մկրտչյան 11-րդ դասարան 
• Արմեն Հաջյան 11-րդ դասարան   
• Կարեն Գևորգյան 10-րդ դասարան 
• Մինաս Գրիգորյան 9-րդ դասարան 
• Կարեն Մարգարյան 9-րդ դասարան 
• Էլինա Սևանցյան 9-րդ դասարան 
• Էմիլի Տիգրանյան 9-րդ դասարան
• Արմինե Ավետիսյան ուսուցչի օգնական

Նախագիծը սկսվեց «Պողպատի ջարդ» ֆլեշմոբով: «Ոսկեգործություն» ընտրության առարկան ընտրած սովորողները սկսեցին համալրել ոսկեգործական մեխանիկական լաբորատորիան տարբեր պողպատյա ջարդոններով:

Շարունակել կարդալ “«Պողպատի վերածնունդ» փառատոնային նախագծի ամփոփում”

«Քավորի նվեր» ճամբարային նախագծի ծրագրին համապատասխան բոլոր կրտսեր, միջին և ավագ դպրոցներից «Ոսկեգործություն» ընտրության առարկայի սովորողները, ովքեր ցանկություն հայտնեցին մասնակցել ոսկեգործական ճամբարին, կատարեցին էսքիզներ, որոնց խմբային արդյունքի հիման վրա ընտրվեց ծիսական հարսանիքին նվերը պարգևելու համար ամենահաջողված տարբերակը:

Այնուհետև էսքիզների վերլուծման արդյունքում ստեղծվեց վերջնական էսքիզը, որը իր մեջ պարունակում է հարսնացույի և փեսացույի համար ավանդական, հայկական զարդանախշերով ձևավորված առանձին երկու կախազարդ, որոնք կարող են միանալ միմյանց՝ խորհրդանշելով իրենց նորաստեղծ ընտանիքի խորհուրդը:

Շարունակել կարդալ “«Քավորի նվեր» ճամբարային նախագծի ամփոփում”

«Արվեստի փառատոն»-ի համատեքստում ոսկեգործական լաբորատորիաների կողմից՝ մասնավորապես մետաղագործական լաբորիատորիան ներկայացնելու է ժամանակակից քանդակի նմուշներ: Կախված մասնակիցների ստեղծագործական մտքի թռիչքից իրագործվելու են ոչ պիտանի երկաթյա ջարդոնից, կտորներից զոդված և հատուկ մշակում անցած պողպատյա քանդակներ:

Շարունակել կարդալ “Արվեստի փառատոն, նախագիծ «Պողպատի վերածնունդ», #IRONRENAISSANCE (#ԱՅՌՈՆՌԵՆԵՍԱՆՍ)”

Անվանումը` «Քավորի նվերը»

Նպատակը՝ «Քավորի նվերը» ճամբարային նախագծի ընթացքում սովորողները պատրաստելու են ազգային, մշակութային մոտիվներ ունեցող կանացի և տղամարդու կախազարդեր:

Սովորողները մշակելու են կախազարդերի դիզայնը, այնուհետև տարբեր դպրոցների սովորողների կողմից ստեղծված էսքիզներից կպատրաստվեն ծավալային մոդելներ, որոնցից հասկանալի կդառնա թե որոնք են իրագործվելու արծաթից:

Աշխատանքները կբաշխվեն տարբեր դպրոցների սովորողների միջև և միարժամանակ ավարտի կհասցնեն ամսի 17-ին, որպեսզի «Քավորի նվերը» ընծայվի նորապսակներին հարսանիքի ծեսի ժամանակ Մխիթար Սեբաստացի կրթահամալիրի ոսկեգործության լաբորատորիաների կողմից:

Շարունակել կարդալ “Ճամբարային նախագիծ «Քավորի նվերը»՝ հարսանիքի նախապատրաստում”

Բաց դաս

Բոլոր դպրոցների տնօրեններին և համապատասխան դասարանների կազմակերպիչներին «Բաց դաս»-ի կազմակերպման, ծնողների ներկայության ապահովման և դասի բովանդակության վերաբերյալ հղվել են նամակներ: Դրա արդյունքում «Ոսկեգործություն» ընտրության առարկայի հաստատված դասացուցակին համապատասխան ստեղծվել է սույն օրացույցը: Այն դպրոցները, որոնք դեռ օրացույցում ներկայացված չեն, կհամալրվեն ընթացքում:

1. Հարավային դպրոց — մայիսի 10, ժամը՝ 9:30 — 10:30
2. Արևելյան դպրոց — մայիսի 11, ժամը՝ 10:00 — 11:00
3. Արևմտյան դպրոց — մայիսի 12, ժամը՝ 13:00 — 14:00
4. Հյուսիսային դպրոց — մայիսի 13, ժամը՝ 13:00 — 14:00
5. Միջին դպրոց
6. Ավագ դպրոց

Բաց դաս

Կլոր սեղան

Համագործակցային աշխատանքների կամզկաերպում և փորձի փոխանակում

Ոսկեգործական դպրոցի առաջին քաղաքային ցուցահանդես-հաշվետվություն

Ոսկեգործական դպրոցի լաբորատորիաներում 9-րդ դասարանցիների կողմից ստեղծվող արտ նախագծերը ներկայացվելու են «Ձոն» տեխնոլոգիական ստուգատեսին հետևյալ ձևաչափով՝

1. Ուսումնական շրջանների ընթացքում ձևավորված էսքիզների հիման վրա ուսումնական փուլերը բարեհաջող անցած ոսկեգործական պատրաստի իրերով:
2. Այդ իրերը ցուցադրվելու են լաբորատորիայի նորաստեղծ ցուցասրահում: Ցուցադրմանը հրավիրվելու են իրերը ցուցադրող (և ոչ միայն) սովորողների ծնողները, մասնավորապես մայրերը: «Ձոն»-ի ոգեշնչման ներքո սովորողների կողմից կատարված աշխատանքը ընծայվելու է մայրերին:
3. Նախնական մասնագիտական կողմնորոշման սովորողների խնդիրների, լուծումների և ձեռք բերումների վերաբերյալ ծնողների հետ միասին անցկացվելու է քննարկում:
4. Կատարման ընթացքում գտնվող աշխտանքների և նախագծերի վերաբերյալ կցված են սովորողների բլոգների հղումները:

Շարունակել կարդալ “«Ձոն» տեխնոլոգիական ստուգատեսի 9-րդ դասարանի մասնագիտական կողմնորոշման ծրագրի նախագիծ”

Ոսկեգործական դպրոցը շարունակում է իր աշխատանքը նախատեսված շուրջտարյա ծրագրով: Ծրագրին կարող եք ծանոթանալ հետևյալ հղումով:

Շարունակել կարդալ “Մարտ ամսվա նախագծեր: Ձոն տեխնոլոգիական ստուգատես”

Ոսկեգործական դպրոցը շարունակում է իր աշխատանքը նախատեսված շուրջտարյա ծրագրով: Ծրագրին կարող եք ծանոթանալ հետևյալ հղումով:

Փետրվար ամսին, ինչպես մյուս ամիսներին սովորողները շարունակելու են իրենց անհատական նախագծերը, իրերը: Տեսնելու և մասնակցելու են իրենց աշխատանքների ձուլման գործողություններին: Սովորողները անցնելու են 4-րդ մետաղագործական փուլ: Շարունակվելու են «Ստեղծագործական շախմատ» և «Կինդեռ» հավաքածու նախագծերը:

Հարգելի մարդիկ, տեղեկացնում եմ, որ հունվարի 3-ից ոսկեգործական դպրոցը վերսկսում է իր աշխատանքները, մասնավորապես պատրաստ եմ ընդունել բոլոր սովորողներին և ցանկացողներին ժամը՝ 10:00-14:00-ը: Ցանկալի է նախորոք հեռախոսակապով պայմանավորվել:

 Ոսկեգործական ճամբարը սկսելու է գործել հունվարի 10-ից մինչը՝ 30-ը: Ճամբարին մասնակցելու են «Ոսկեգործություն» ընտրությամբ առարկա ընտրած բոլոր սովորողները՝ կրտսեր, միջին և ավագ դպրոցներից: Անվանական ցուցակը կկցեմ ըստ դպրոցների կազմակերպիչների հետ պայմանավորվածության:

Իրագործվող աշխատանքներ

1.Սովորողների կողմից պատրաստված մոմե մոդելները(իրենց նախագծերը) հասցնելու ենք ավարտական վիճակի:

2. Սովորողների օգնությամբ և իրենց մասնակցությամբ իրերի մոդելները ձուլվելու են:

3. Սկսվելու է աշխատանք մետաղական մոդելների վրա (4-րդ փուլ):

Նպատակ

Երկրորդ ուսումնական շրջանի ավարտին հաշվետություն-ցուցահանդես իրականացնել բոլոր դպրոցների սովորողների նախագծերով:

Անհրաժեշտ պայմաններ

1. Լիցքավորել գազ – 2 բալոն

2. Լիցքավորել թթվածին – 2 բալոն

3. Գնել թթվածնային ռեդուկտոր – 1 հատ