Category: Uncategorized

Աշխատաժամանակ

Սեպտեմբերի 16-20 Ոսկեգործական լաբորատորիան շարունակում է իր աշխատանքը համաձայն ուսումնական դասացուցակի։

Սեպտեմբերի երկրորդ շաբաթվա ընթացքում Ոսկեգործությունը որպես ընտրության առարկա ընտրած նորեկ սովորողների հետ կկատարվեն ծանոթացման և ներգրավման աշխատանքներ։

Նախորդ ուսումնական շրջանից Ոսկեգործությունը որպես ընտրության առարկա ընտրած սովորողների հետ կատարվում է անհատական և խմբային նախագծերի իմի բերում և աշխատանքների շարունակում։ Ինչպես նաև կատարվում է նոր 2024-2025 ուս․ տարվա ուսումնական ծրագրով նախատեսված նախագծերին ծանոթացում և քննարկում։

Աշխատաժամանակ

2024-2025 թ․թ․ ուսումնական տարվա սեպտեմբերին Ոսկեգործական լաբորատորիայում մեկնարկում են հետևյալ շուրջտարյա նախագծերը․

1․ «ՀայԶարդ»

2. «Անձնական հավաքածու»

3. «Երվանդ Քոչար 125 «Կիբեռնետիկա»»

4. Ոսկեգործությունը որպես միջառարկայական դիսցիպլին

5. «Հայկական լեռնաշխարհի փայլը»

6. «Big christmas»

Սեպտեմբերի 2-6 նախատեսվում է իրագործել ոսկեգործական գործունեությանը ծանոթացնող ցուցադրություններ, ինչպես նոր, այնպես էլ նոր սովորողների համար՝

_Լաբորատորիա հաճախող նոր սովորողներին ծանոթացնել ուսումնական մոդուլներին,

_ներկայացնել ցուցասրահը նախորդ տարիների սովորողների աշխատանքներով համալրված,

_ներկայացնել 3D ենթալաբորատորիայի հնարավորությունները,

_ծանոթացնել նորաստեղծ ակնագործական ենթալաբորատորիայի տեխնիկական և ստեղծագործական հնարավորություններին,

_ներկայացնել ձուլագործական լաբորատորիան,

_ցուցադրել քիմիականմշակումների համար նախատեսված հատվածը իր սարքերով և օժանդակ գործիքներով։

Ոսկեգործական լաբորատորիայում ցուցասրահը կատարում է կարևոր գործառույթ։ Հաշվետու ցուցահանդեսներից հետ սովորողների աշխատանքները շուրջտարյա ցուցադրվում են հենց ցուցասրահում։ Ավանդույթը պահպանելու նպատակով անհրաժեշտ է կատարել երկու քայլ

1. Ցուցափեղկի մակերեսի մեծացում՝ ստորև նշված տախտակների միջոցով
2. Պատվանդանների պատրաստում՝ առկա պատվանդանների նմանօրինակ։

Աշխատանքների իրականացման ժամկետներ՝ հուլիսի 1-ից օգոստոսի 25-ը

Իրականացման վայր՝ Ոսկեգործական լաբորատորիա

Իրականացնողներ՝

Կազմակերպիչ Աղվան Մուրադյան

Մասնակիցներ՝ Քոլեջի 3-րդ կուրսի ո Մինաս Գրիգորյան Կարեն Մարգարյան

Լրացուցիչ կրթության ուսանողներ Երեմ Հունանյան Էրիկ Գրիգորյան

Անհրաժեշտ նյութեր

չլամինացված 8մմ տախտակ (0.49*4.5)մ (0.49*5.7)մ — 1 հատ

շինարարական գիպս — 1 պարկ

2023թ-ին World skills Armenia  մրցույթի ոսկեգործական հատվածն անցկացվեց «Ոսկեգործական լաբորատորիայում»: Մրցույթի արրդյունքում հաղթեց Գյումրեցի Հակոբ Գևորգի Եշիլբաշյանը, որը ՀՀ ԿԳՄՍ «Գյումրու թիվ 4 արհեստագործական պետական ուսումնարան» ՊՈԱԿ-ի «Ոսկերչություն» մասնագիտությամբ սովորող երկրորդ կուրսի ուսանող է:

Հանրապետական մրցույթը հաղթողը 2024թ. սեպտեմբերին իր մասնագիտությամբ, մասնակցելու է Ֆրանսիայի Լիոն քաղաքում կայանալիք արդեն World skills միջազգային եզրափակիչ փուլին:

Մրցույթին պատշաճ և պատրաստված ներկայանալու նպատակով «Գյումրու թիվ 4 արհեստագործական պետական ուսումնարանը» դիմել է մեզ խնդրանքով, որպեսզի Ոսկեգործական լաբորատորիայում անցկացնենք Հակոբ Գևորգի Եշիլբաշյանի կատարելագործում-վերապատրաստումը:

Անհրաժեշտ է ստորև նշված ժամկետում ապահովել Հակոբ Գևորգի Եշիլբաշյանի գիշերակացը և սնունդը կրթահամալիրի կացարաններից մեկում:

Ժամկետներ`

հունիսի 25,26,27

հուլիսի 2,3,4

հուլիսի 9,10,11

Նախագծի ղեկավար` Ոսկեգործական լաբորատորիայի ղեկավար Դավիթ Պետրոսյան

Վերապատրաստվող ուսանով` Հակոբ Գևորգի Եշիլբաշյան

Վերապատրաստման կմասնակցեն հրավիրված մասնագետներ

1. Գյումրու թիվ 4 արհեստագործական պետական ուսումնարանի «Ոսկերչություն» մասնագիտության վարպետ-դասախոս`Արտյոմ Ռոբերտի Մարտիրոսյանը
2. Երևանի տարածաշրջանային թիվ 1 պետական քոլեջի վարպետ դասախոս Արա Մեսդջյանը

Վերապատրաստման կմասնակցեն `

ՄՍԿՀ քոլեջի երկրորդ կուրսի ուսանողներ`

Մինաս Գրիգորյանը

Կարեն Մարգարյանը

Ոսկեգործական լաբորատորիայում լրացուցիչ կրթություն ստացող՝

Էրիկ Գրիգորյանը

Երեմ Հունանյանը

Ե.Գ. Գիշերակացի և սննդի վճարի վերաբերյալ նշում կատարված չէ` տեղեղեկատվություն չունենալու պատճառով:

Ամսական հաշվետվություններ.

Սեպտեմբեր

Հոկտեմբեր

Նոյեմբեր

Դեկտեմբեր

Հունվար

Փետրվար

Մարտ

Ապրիլ

Մայիս

Հունիս

Իրականացված նախագծեր

BigCristmas Market

Տեսանելի ոսկեգործություն

«ՀայԶարդ»

«Փարաջանով-100»

Արվես_արհեստ

«Դավթի Գեղարդ»

1. Ոսումնական չորրորդ շրջան — Ոսումնական չորրորդ շրջանի ընթացքում ճամբարին մասնակցող սովորողները ստ իրենց դասացուցակների հաճախելով Ոսկեգործական լաբորատորիա ավարտին հասցրեցին իրենց անհատական և խմբային ստեղծագործական նախագծերը: Այդ ընթացքում օժանդակող և աջակցող գործունեություն էին վարում քոլեջի 2-րդ կուրսի ուսանողներ Մինաս Գրիգորյանը և Կարեն Մարգարյանը, ինչպես նաև լրացուցիչ կրթության մասնակիցներ Էրիկ Գիրգորյանը և Երեմ Հունանյանը:

2. Ցուցադրական տաղավար

Նախապատրաստական աշխատանքների մեջ մտնում էր նաև երեք երկու մետրանոց հատվածներից բաղկացած 6մ ընդհանուր երկարությամբ ցուցադրական տաղավարի պատրաստումը: տաղավարն իրենից ներկայացնում է 5 ցուցադրական մակերես ունեցող հարմարեցված կառուցվածքով հարթակ, որի վրա հնարավոր է լինում լիարժեք և պատշաճ մակարդակով ներկայացնել սովորողների կողմից պատրաստված աշխատանքները:

3. Ակնագործական հատված

Նախկինում պլանավորված գորխընթացը հունիսին հասցրեցինք ավարտին: Դեռ հնուց մնացած բրուտագործական անսարք դուրգերը ձևափոխվեցինք դարձնելով կիսաթանկարժեք միներալներ հղկելու համար երկու հաստոց`մեկը նախատեսված միներալների հղկման համար, մյուսը` փայլեցման համար: Աշխատանքների մեխանիկական մասն իրականացվեց մեխանիկ Աղվան Մուրադյանի օգնությամբ:

Այժմ նոր ուսումնական տարում հնարավորություն առաջացավ Ոսկեգործական լաբորատորիայում իրականացնել նորամուտ, առաջարկելով ոսկեգործություն ընտրության առարկա ընտրած սովորողներին միներալների մշակման դաշտում հմտությունների ձևովորում, ստացված կիսաթանկարժեք քարերով, հետագայում պատրաստվող իրերի վրա կիրառելու նպատակով:

4. Հաշվետու ցուցադրություն

Հունիսի 13-ին Արվեստի փառատոնի շրջանակում Ոսկեգործական լաբորատորիայում տեղի ունեցավ ավանդական հաշվետու ցուցահանդեսը: Ցուցահանդեսին մասնակցեցին ոսկեգործություն ընտրության առարկան ընտրած սովորողները` կրթահամալիրի բոլոր կրտսեր, միջին և ավագ դպրոցներիրց, ինչպես նաև քոլեջի և լրացուցիչ կրության հաճախող սովորողները:

Ցուցադրության հրավիրված էին բոլոր ցանկացողները, հատկապես սովորաղներն իրեն հարազատների հետ:

Ներկայացվեց բոլոր սովորողների կողմից ավարտի հասցրախ ստեղծագործական աշխատանքներըպատրաստված արույրից: Աշխատանքներում օգտագործվել են տարբեր ուսումնաարտադրական ոսկեգործական տեխնոլոգիաներսկսած նախագծումից մինչև ձեռքի աշխատանք մետաղի վրա, ձուլումում, տարբեր միներալների, կիսատանկարժեք քարեի օգտագործմամբ քարերի տեղադրում, հնեցում, արծնապակեպատում: Ներկայացվեցին

1. Կախազարդ- 98 հատ
2. մատանի- 52 հատ
3. ականօղ -3 զույգ
4. թևնոց- 4 հատ

Բոլոր կոմպոզիցիաներն անհատական, ստեղծագործական, հետազոտական, երկարատև պրպտումների և հետևողական աշխատանքի արդյունք են`թե անհատական, թե թիմային առումներով:

Հատկանշական է, որ երկու թիմային շուրջտարյա նախագիծ ամփոփվեց ցուցադրության ընթցքում`«ՀայԶարդ» և «Փարաջանով-100», որոնց մասնակիցները տարբեր դպրոցների սովորողներ և ուսանողներ էին: Ամրապնդվեց հետազոտություն կատարելու ավանդույթը ուսումնական լաբորատորիայից դուրս, խոսքը գնում է երկու ուղևորությունների մասին:

Հայ Զարդ շուրջտարյան հետազոտական նախագծի սովորողները, որոնք ավարտել են իրենց նախագծերը ններկայացրեցին իրենց աշխատանքները հաշվետու ցուցադրության ժամանակ:

Նախագծի նպատակն է տարատարիք սովորողների մոտ ձևավորել մշակութային հայացքներ և տեխնոլոգիական հմտություններ, կարողություններ ազգային մշակութային ուղղությունների ուսումնասիրության և վերծանման, ճանաչման, նորացման ու կիրառական դարձնելու համատեքստում:

Արդյունքում սովորողների և լրացուցիչ կրթություն ստացողների մի մասն ավարտեցին իրենց աշխատանքները, իսկ մյուս մասը կշարունակի հասնելով ավարտին հաջորդ ուսումնական տարում:

«ՀայԶարդ» նախագծի ընթացքում իրերը պատրաստվել են ազգային ոսկեգործական տեխնոլոգիաների կիրառմամ՝ Հայկական զարդարվեստին բնորոշ զարդանախշերի, սիմվոլների օգտագործմամբ: Բացի այդ կիրառվել է արծնապակեպատման տեխնոլոգիա, որը հնարավոր է դարձնում իրականացնել գունաբաժանում, շեշտելով «հայկական կարպետների» նմանականացման առանձնահատկությունները:

Հատկանշական է, որ սովորողների կողմից ուսումնասիրություններ և հետազոտություններ են կատարվել ազգային կերպարվեստի, կիրառական արվեստի լայն ճյուղերի ուղղությամբ, որոնք պատմամշակութային արժեք են ներկայացնում և ընդլայնում են սովորողների գիտելիքները պատմական իրադարձությունների և ձեռքբերումների վերաբերյալ: Վերջինիս վառ ապացույցն են «Սուրբ Գեղարդի ոդիսություն» կամ «Դավթի Գեղարդ» և «Փարաջանով-100» նախագծերը:

Ոսկեգործական լաբորատորիայի սովորողները պատրաստվում են հաշվետու ցուցադրությունը, որի ժամանակ Ոսկեգործական լաբորատորիա հաճախող սաները կներկայացնեն այս ուսումնական տարվա ընթացքում իրենց խմբային և անհատական նախագծերի համատեքստում կատարած աշխատանքները:

Լաբորատորիան պատրաստվում է ընդունել ուսումնական չորրորդ շրջանի ընթացքում Ոսկեգործական լաբորատորիա այցելած հյուրերին։

Կարդալ ավելին

Հունիսի ընթացքոըմ Ոսկեգործական լաբորատորիայում նախատեսվում է իրականացնել․

• Տարևերջյան հաշվետու ցուցահանդեսի կազմակերպում՝

Անհատական նախագծերով աշխատանքների ավարտ,

Խմբային նախագծերով աշխատանքների ավարտ՝ “Փարաջանով-100” և “ՀայԶարդ”

• Ոսկեգործական լաբորատորիայում ակնագործական մասի նորամուտ,
• Ճամբարային աշխատանքների կազմակերպում՝ լաբորատորիայի ներքին և արտաքին միջավայրի նորոգում և կազմակերպում։

Հյուրերի ընդունման աշխատակարգին համապատասխան, Ոսկեգործական լաբորատորիան կիրականացնի բաց դաս-ցուցադրություն Հարավային դպրոցի սովորողների մասնակցությամբ։

 Դասի ընթացքում սոցորողները կիրականացնեն աշխատանքներ իրենց անհատական ընթացիկ նախագժերի վրա, նախապատրաստվելով “Փարաջանով-100” նախագծի ամփոփմանը և տարևերջյան հաշվետու ցուցահանդեսին։

Ոսկեգործական լաբորատորիան ամբողջությամբ պատրաստ է հյուրերի ընդունմանը։