ՈՍԿԵԳՈՐԾԱԿԱՆ ԼԱԲՈՐԱՏՈՐԻԱ

Նախագծի անվանում՝ ՄետաԳոլդ

Տևողություն՝ շուրջտարյա

Վայր՝ Ոսկեգործական լաբորատորիա

Մասնակիցներ՝ Հյուսիսային, Արևելյան, Արևմտյան, Հարավային կրտսեր, Միջին և Ավագ դպրոցների, քոլեջի «Ոսկեգործություն» ընտրության առարկայի սովորողներ

Նպատակ՝ 

ՄՍԿՀ-ի «Ոսկեգործություն» ընտրության սովորողների ստեղծագործական, ոսկեգործական իրերի ցուցադրական և առևտրային հարթակի ստեղծում, կազմակերպում և սպասարկում: ՄՍԿՀ-ի ոսկեգործական լաբորատորիայի ձեռքբերումների ցուցադրություն, գովազդ մետա տարածքում (Facebook, Instagram): Վաճառքների փորձնական կազմակերպում:

Խնդիրներ՝

• Ստեղծել հարթակներ սոց. ցանցերում ՄՍԿՀ-ի ոսկեգործական լաբորատորիայի ձեռքբերումների հանրայնացման համար:
• Ստեղծել հնարավորություն այդ հարթակի միջոցով վաճառքներ իրականացնել:
• Նախորդ երկու խնդիրները դրական լուծելուց հետո սովորողի ծնողի համաձայնությամբ և մասնակցությամբ ձեռք բերել մանկական բանկային քարտ, որի վրա կկուտակվեն դասընթացի ընթացքում ձևավորված իրի վաճառքի հետևանքով առաջացած նյութական միջոցները:

Ընթացք՝

• Ոսկեգործական լաբորատորիայի սովորողների մասնակցությամբ ստեղծվելու են էջեր` Facebook-ում և Instagram-ում:
• Լաբորանտ` Արմինե Ավետիսյանի նախագծի հիման վրա ստեղծված տեսա և վիդեո նյութը օգտագործվելու է հարթակների կայացման համար:

Արդյունք՝

• Սովորողների մոտ ամրապնդել վստահությունը իրենց ձեռքբերումների վերաբերյալ ՄՍԿՀ-ի Ոսկեգործական լաբորատորիա արվեստանոցում ձեռք բերած գիտելիքների և հմտությունների դրամայանացման համար: Նվազագույնը տարատարիք, տարասեռ սովորողը կկարողանա մասնակից լինել հենց իր ուս. վարձի վճարմանը:
• Բազմակողմանի գովազդի հետևանքով ՄՍԿՀ-ի վարկանիշի պահպանման, բարձրացման, ոսկեգործական ընտրության առարկայի մրցողունակության բարձրացման միտում կդիտարկվի:

Կրթահամալիրում կային սովոորղներ, ովքեր դեռ տեղյակ չէին Ոսկեգործական լաբորատորիայի հագեցվածության և իրենց համար հետաքրքրաշարժ լինելու վերաբերյալ: Հունվարյան ճամբարի ժամանակ դասացուցակին համապատասխան այցելող բոլոր խմբերին մանրակրկիտ ներկայացվեց նախագծային-տեխնոլոգիական, գեղարվեստական դարբնոցային-մետաղագործական, ձուլագործական արվեստանոց-ենթալաբորատորիաները: Հնարավորինս մատչելի ներկայացվեց արվեստանոցների ձեռքբերումները, տեխնոլոգիական հնարավորությունները, ուսումնաարտադրական նախագծերը:

Կարևոր դեր խաղաց թե մասնագիտական ոսկեգործական ձեռքբերումների առումով, թե մանկավարժական առումով «Հայաստանի վարպետ» մրցույթի հաղթանակի հետևանքով արվեստանոցի գլխավոր սյունի վրա տեղադրված մրցույթը հաղթողի մրցանակը:

Սեպտեմբեր, հոկտեմբեր հաշվետվություն

Նոյեմբեր, հաշվետվություն

Դեկտեմբեր ամսվա հաշվետվությունը

Նախագծի անվանում՝  «Սեբաստացի ոսկեգործները Արմենիա TV-ի եթերում»

Տևողություն՝  Դեկտեմբերի 27

Վայր՝ Արմենիա TV

Մասնակիցներ`

• Դավիթ Պետրոսյան — Ոսկեգործական լաբորատոիայի ղեկավար, ոսկեգործության ուսուցիչ
• Արմինե Ավետիսյան — Ոսկեգործական լաբորատորիայի լաբորանտ, ՄՍԿՀ-ի ուսանող
• Արև Տատինցյան — ՄՍԿՀ-ի քոլեջի ուսանող
• Մինաս Գրիգորյան — ՄՍԿՀ-ի քոլեջի ուսանող
• Մարինե Ասատրյան — շրջանավարտ
• Կարեն Մարգարյան — ՄՍԿՀ-ի քոլեջի ուսանող
• Կարեն Գրիգորյան — ՄՍԿՀ-ի քոլեջի ուսանող
• Քրիս Ծատուրյան — ՄՍԿՀ-ի Ավագ դպրոց, 12-րդ դասարան

Նպատակ՝ ՄՍԿՀ-ի հեղինակային դպրոցի գովազդ, ոսկեգործական լաբորատորիայի գովազդ

Ընթացք՝

• Դեկտեմբերի 27-ին տեղի կունենա «Հայաստանի Վարպետ» մրցույթի եզրափակիչ փուլի նկարահանումը
• Համահայաստանյան մրցույթի հաղթանակած վարպետները կստանան իրենց մրցանակաները
• «Զարդագործ» անվանակարգում հաղթանակած «Հայաստանի վարպետ» Դավիթ Պետրոսյանի մրցանակը կտեղափոխվի ՄՍԿՀ-ի ոսկեգործական լաբորատորիա(ինչպես և ասվել էր թողարկման ժամանակ), որտեղ արդեն մրցանակի համար ստեղծվել է հարթակ։

2022-2023 ուսումնական տարվա ծրագիր և ներառնվող նախագծեր

Բացի ընթացիկ իրագործվող նախագծերից և ուսումնական ծրագրից, հունվար ամսին սկսում ենք նոր 2 նախագիծ՝

• Ուսումնակրթական նախագիծ՝ «Մետամորֆոզ-Վերափոխում»
• Նախագիծ՝ «Գագարին տեխնոլոջի»

Նախագծի անվանում՝  «Գագարին տեխնոլոջի»

Տևողություն՝ Շուրջտարյա

Նպատակ՝ Գագարին նախագծի համատեքստում գյուղական դպրոցներում Բլեյանի հեղինակային դպրոցի տեխնոլոգիական, ուսումնա-արտադրական դասավանդման փորձառության և լաբորատորիաների կազմակերպման փորձի ներդրում, դասավանդող ուսուցչական անձնակազմի մասնագիտական վերապատրաստում տեղերում:

Խնդիրներ՝

• Պիլոտային նախագծի իրագործում Դդմաշենի դպրոցի տեխնոլոգիա առարկայի դասարաններում
• Տեղաբնակ, համապատասխան մասնագիտացում ունեցող վարպետ-ուսուցչական կազմի վերապատրաստում
• Դդմաշենի դպրոցի տեխնոլոգիա առարկայի արհեստանոց-արվեստանոցներում հաջողված պիլոտային նախագծի լուսաբանում և տարածում Գագարին նախագծի մյուս գյուղական դպրոցներում
• Մխիթար Սեբաստացի կրթահամալիրի «Բլեյանի հեղինակային» դպրոցի փորձառության ցանցային տարածում

Ընթացք՝

• Նախագծային խմբի ուղևորություն գիշերակացով(խմբի անդամների, քանակի և ժամկետի վերաբերյալ տեղեկատվությունը ավելի ուշ)
• Նախագծային խմբի կողմից ուսումնասիրություն, պլանավորում, նախագծի ձևակերպված տարբերակի ներկայացում
• Նախագծի իրականացման ժամանակացույցի ներկայացում
• Նախագծի իրականացում

Նախագծի անվանում՝  «Մետամորֆոզ-Վերափոխում»

Տևողություն՝ Շուրջտարյա

Վայր՝ Ոսկեգործական լաբորատորիա

Մասնակիցներ՝ Հյուսիսային, Արևելյան, Արևմտյան, Հարավային կրտսեր, Միջին և Ավագ դպրոցների, քոլեջի «Ոսկեգործություն» ընտրության առարկայի սովորողներ

Նպատակ՝ Հայաստանի վարպետ մրցանակի դափնեկիր «Մետամորֆոզ-Վերափոխում» ոսկեգործական կոմպոզիցիայի՝ մատանու, բովանդակային շարունակություն, հավաքածուի ստեղծում:

Խնդիրներ՝

• Հետազոտական, ուսումնասիրական աշխատանքներ հայկական ծիսական զարդանախշերին վերաբերվող
• Տարբեր ոսկեգործական, նաև 3D տեխնոլոգիաների համադրություն ձեռքի աշխատանքի հետ
• Ստեղծվելիք հավաքուծուի ներկրթահամալիրային և արտագնա ցուցադրության, ցուցահանդեսի կազմակերպում
• Դրամայնացման փորձառության ձևավորում

Ընթացք՝

Սովորողների կողմից կստեղծվեն համապատասխան դիզայնով և բովանդակությամբ ոսկեգործական իրեր իրենց ուսումնական մոդուլների ուսումնասիրության և փորձի ձեռքբերման հետևանքով:

Արդյունք՝

Արդյունքում սովորողների և ուսանողների կողմից պատրաստված հայկական բնութագիր ունեցող կոմպոզիցիաները կդառնան կիրառական արվեստի տարածման և դրա արդյունքների հնարավոր դրամայնացման օրինակ:

Շարունակվում եմ դասընթացները շուրջտարյա նախագծերի համատեքստում:

2022-2023 ուսումնական տարվա ծրագիր և ներառնվող նախագծեր

Բոլոր դպրոցներից հաճախող սովորողները հիմնականում թևակոխել են 3-րդ մոդելավորման փուլը: Սկսել են առաջանալ նոր առարկայան հարցեր և խնդիրներ: Մասնավորապես տարբեր տեխնոլոգիաների համադրության, տարբեր նյութերի օգտագործման և ոչ ավանդական ոսկեգործական նյութերի կիրառման վերաբերյալ:

  2019թ.-ից  դասավանդում եմ ՄՍԿՀ-ում որպես «Ոսկեգործության» ուսուցիչ: ՄՍԿՀ-ի այս տարվա պատվավոր մրցանակաբաշխության ժամանակ արժանացա մրցանակի «Մուտք մանկավարժություն» անվանակարգում: Շնորհակալություն գնահատման համար:

Ոսկեգործական լաբորատորիայում շարունակվում է շուրջտարյա «Կինդեռ» հավաքածու նախագծի աշխատանքները: Սովորողները իրենց անհատական նախագծերը արդեն վերածում են ծավալային մոդելների և պատրաստվում են մուտք գործել 4-րդ մետաղագործական փուլ: ՄՍԿՀ-ի քոլեջի «Զարդակիրառական արվեստի» բաժնի ուսանողները ավելի կրտսերների համար հանդիսանում են սովորեցնող-սովորող:

«Մուտք մանկավարժություն»՝

• այլ ոլորտից մանկավարժություն տեղափոխված մասնագետին, որի մանկավարժական գործունեության արդյունքը նկատելի է կրթահամալիրային նախագծերում։